Dieses Johr geits nix zum Lacha,
mir müssat Fasnet auf a andra Art macha.
Leider hot im Moment des Virus des Saga
ond au mir Narra müssat andre Maska traga.
Do isch koi Hex ond koi Goischd mit drbei,
auf dene stoht bloß FFP 2.
Leut gibt´s au koine uf dr Gass`
onds Konfetti, des bleibt in dr Tasch`.
Des isch ebbes, was ons gar id gfällt,
mir Weibla ond Klopferla hend des Corona id bschdellt.
Liebr dädet mir euch a bissle necka
ond de Kender s oi oder andre Bonbon zustecka.
Hoffentlich isch bald wieder älles beim Alda,
im Moment müssa mr eben Abstand halta.
Dafür gohts noch s`nächste Mol wieder rond,
bis do na a guada Zeit ond bleibat gsond.
Es griaßad euch d Rauhried Weibla mit ma kräftiga
Rauhried-Weibla
Klopferle-klopferle-klopf-klopf-klopf